Projects

സംരംഭക വാർഷാചരണത്തിലൂടെ രൂപപ്പെട്ട സംരംഭക സൗഹൃദ  സാമൂഹീക അന്തരീക്ഷം കേരളത്തിൽ ചെറുകിട വ്യവസായരംഗത്തിന് പുത്തൻ ഉണർവ് പകർന്നു. ദൈനംദിന ജീവിതവുമായി ബന്ധപ്പെട്ട് അന്യസംസ്ഥാനങ്ങളിൽ നിന്ന് നാം വാങ്ങി ഉപയോഗിക്കുന്ന ഉല്‌പന്നങ്ങളിൽ കേരളത്തിൽ തന്നെ നിർമ്മിക്കാവുന്ന നിരവധി ഉല്‌പന്നങ്ങളുണ്ട്. സംരംഭക വർഷത്തിൽ രൂപപ്പെട്ട സംരംഭകത്വ ഉണർവ് നിലനിർത്തിയാൽ ഇത്തരം പല ഉല്പന്നങ്ങളും കേരളത്തിൽ തന്നെ നിർമ്മിക്കാനാവും. ഉല്പാദനരംഗത്ത് കൂടുതൽ സംരംഭങ്ങൾ ആരംഭിക്കുന്നത് തൊഴിൽ രംഗത്തും  സന്പദ് വ്യവസ്ഥയിലും കൂടുതൽ  ഉണർവ് പ്രധാനം ചെയ്‌യും. കേരളത്തിൽ ധാരാളമായി വിപണിയുള്ളതും അന്യസംസ്ഥാനങ്ങൾക്ക് നിർമ്മാണ കുത്തകയുള്ളതുമായ ചെറുകിട ഉൽപ്പാദന സംരംഭങ്ങൾ നവ സംരംഭകർക്ക് തിരഞ്ഞെടുക്കാനാകും.അവയിൽ അസംസ്‌കൃത വസ്‌തുക്കളുടെ സുലഭമായ ലഭ്യത ഉറപ്പാക്കണം.