Peppathy, Piravom, Ernakulam, Kerala - 682313

agroparkpvm@gmail.com

Office Hours: 9:00 PM - 5:00 PM

Call: +91 94467 13767 

Projects

Projects by Agropark

A4 പേപ്പർ നിർമ്മാണം  (  A4 Paper Sheet Manufacturing  )

A4 പേപ്പർ നിർമ്മാണം ( A4 Paper Sheet Manufacturing )

ഓഫീസുകളിലുംഫോട്ടോ കോപ്പി സെന്ററുകളിലും എല്ലാം പ്രിൻറ് എടുക്കുന്നതിന് 80 GSM വരുന്ന A4 പേപ്പറുകളാണ് ഉപയോഗിക്കുന്നത്.ഉപയോഗം പരിഗണിച്ചാൽ കേരളത്തിൽ വലിയ വിപണിയാണ് A4 പേപ്പറിന്റേത്.ടി വിപണിയുടെ ഭൂരിഭാഗവും അന്യസംസ്ഥാന നിർമ്മാതാക്കളാണ് കൈയാളുന്നത്. വലിയ സാങ്കേതിക വിദ്യകൾ ആവശ്യമില്ലാത്ത ഈ വ്യവസായത്തിന് കേരളത്തിൽ വലിയ സാധ്യതയുണ്ട്.

അഗ്രി - ഫുഡ്  കോമൺ സർവീസ് സെന്ററുകൾ

അഗ്രി - ഫുഡ് കോമൺ സർവീസ് സെന്ററുകൾ

സംരംഭക രംഗത്തെ മികവാർന്ന പ്രവർത്തനങ്ങൾക്കാണ് കേരളം സാക്ഷ്യം വഹിക്കുന്നത്. കെ സ്വിഫ്റ്റ് ഏകജാലക സംവിധാനം വഴി ലൈസൻസിംഗ് നടപടിക്രമങ്ങൾ സുഗമമാക്കിയത് നവസംരംഭകർക്ക് കൂടുതൽ ആത്മവിശ്വാസം പകർന്നു. താലൂക്ക്- ജില്ലാ തലങ്ങളിൽ ഫെസിലിറ്റേഷൻ സെന്ററുകൾ പ്രവർത്തിക്കുന്നത് സംരംഭകർക്ക് കൂടുതൽ ഉപകാരപ്രദമായി. ഗ്രാമങ്ങളിൽ പോലും ഒരു സംരംഭക സൗഹൃദ അന്തരീക്ഷം രൂപീകൃതമായതിന്റെ പശ്‌ചാത്തലത്തിൽ നിരവധി ആളുകൾ ചെറിയ സംരംഭങ്ങൾ ആരംഭിക്കാൻ മുന്നോട്ട് വരുന്നു. ചെറിയ മുതൽ മുടക്കിൽ പ്രാദേശിക വിപണിയെ ലക്ഷ്യം വയ്‌ക്കുന്ന സംരംഭങ്ങളാണ് അധികവും. വനിതകളും ധാരാളമായി സംരംഭകത്വത്തിലേക്ക് കടന്നുവരുന്നു

സർജിക്കൽ മാസ്‌ക് നിർമ്മാണം (Surgical Mask Manufacturing )

സർജിക്കൽ മാസ്‌ക് നിർമ്മാണം (Surgical Mask Manufacturing )

മഹാമാരി നമ്മളിലേക്ക് കൊണ്ടു വന്ന ശീലങ്ങളിൽ ഒന്നാണ് മാസ്‌കിന്റെ ഉപയോഗം. സൂക്ഷ്മ വ്യാപികളായ വൈറസുകളെ പ്രതിരോധിക്കുന്നതിനൊപ്പം തന്നെ വായു മലിനീകരണത്തിൽ നിന്ന് രക്ഷനേടുന്നതിനും മാസ്‌കുകൾ ഉപകരിക്കുന്നു. നിലവിൽ മാസ്‌കുകൾക്കായി അന്യസംസ്ഥാനങ്ങളെയാണ് ആശ്രയിക്കുന്നത്. ഉപഭോഗം വർദ്ധിച്ചതിനൊപ്പം നാട്ടിൽ തന്നെ ഉല്‌പാദനവും വർദ്ധിപ്പിക്കാൻ സാധിച്ചാൽ ഈ ഇനത്തിൽ അന്യസംസ്ഥാനങ്ങളിലേക്കുള്ള പണമൊഴുക്ക് തടയാൻ സാധിക്കും. ചെറിയ മുതൽ മുടക്കിൽ ഓട്ടോമാറ്റിക് യന്ത്രം ഉപയോഗിച്ച് സർജിക്കൽ മാസ്‌ക് നിർമ്മാണം ആരംഭിക്കാം.

നാളികേര വെള്ളത്തിൽ നിന്ന് എനർജി സ്‌പോർട്ട്സ് ഡ്രിങ്ക് നിർമ്മാണം  (Energy Drink From Coconut Water ) )

നാളികേര വെള്ളത്തിൽ നിന്ന് എനർജി സ്‌പോർട്ട്സ് ഡ്രിങ്ക് നിർമ്മാണം (Energy Drink From Coconut Water ) )

നാളികേര അധിഷ്ഠിത സംരംഭങ്ങളിൽ പാഴായിപ്പോകുന്ന നാളികേരവെള്ളത്തെ സംസ്‌കരിച്ചാണ് കോക്കോ പ്ലസ്സ്പോർട്ട്സ് ഡ്രിങ്ക് നിർമ്മിക്കുന്നത്. നാളികേര വ്യവസായത്തിൽ പരിസര മലിനീകരമില്ലാത്ത നാളികേരവെള്ളം ഒഴിവാക്കുക എന്നത് വലിയ വെല്ലുവിളിയാണ്. ആരോഗ്യദായകമായ നാളികേര വെള്ളം വളരെ വേഗം കേടുവരും എന്നുള്ളതാണ് മറ്റൊരു വെല്ലുവിളി. നാളികേര വെള്ളം സംസ്‌കരിച്ച് അനുബന്ധ ചേരുവകൾ ചേർത്ത് ഉന്മേഷം പകരുന്ന സ്പോർട്ട്സ് ഡ്രിങ്കാക്കി മാറ്റി വിപണിയിലെത്തിക്കുന്നതാണ് ബിസിനസ്സ്. ഈ പാനീയം 2 മാസം വരെ അന്തരീക്ഷ താപനിലയിൽ സൂക്ഷിക്കാൻ സാധിക്കും. സാധാരാണ എനർജി ഡ്രിങ്കുകളും സ്‌പോർട്ട്സ് ഡ്രിങ്കുകളും രാസവസ്‌തുക്കൾ ഉപയോഗിച്ചാണ് നിർമ്മിക്കുന്നത്.

കുടിവെള്ളം ( Drinking Water )

കുടിവെള്ളം ( Drinking Water )

നമ്മുടെ നാട്ടിൽ കുടിവെള്ളത്തിന്റെ ഗുണമേൻമ സംബന്ധിച്ച് വലിയ അവബോധം സൃഷ്ടിക്കപ്പെട്ടിട്ടുണ്ട്. മുൻപ് കിണറുകളിൽ സുലഭമായി വെള്ളം ലഭിച്ചിരുന്നെങ്കിൽ ഇപ്പോൾ ഗ്രാമങ്ങളിൽപ്പോലും കുഴൽകിണറുകളും വാട്ടർ അതോറിറ്റി നല്‌കുന്ന പൈപ്പ് വെള്ളവുമാണ് ആശ്രയം. സൂക്ഷ്മ മൂലകങ്ങളും, സൂക്ഷ്മ ജീവികളും അടങ്ങിയ കുടിവെള്ളം ആരോഗ്യപ്രശ്നങ്ങളുണ്ടാക്കും എന്ന് ജനങ്ങൾക്കറിയാം. പൊതു ജലവിതരണ സംവിധാനത്തിൽ ലഭിക്കുന്ന വെള്ളത്തിൽ ക്ലോറിന്റെ അളവും മറ്റു ചില ഘട്ടങ്ങളിൽ കലങ്ങിയ നിറവുമെല്ലാം കുടിക്കുന്നതിനും, പാചകം ചെയ്‌യുന്നതിനും ഫിൽറ്റർ ചെയ്‌ത കുടിവെള്ളം ഉപയോഗിക്കാൻ ജനങ്ങളെ നിർബന്ധിതരാക്കുന്നു.

അലൂമിനിയം ഫോയിൽ & ക്ളിംഗ് ഫിലിം  ( Aluminium Foil & Cling Film Roll Making )

അലൂമിനിയം ഫോയിൽ & ക്ളിംഗ് ഫിലിം ( Aluminium Foil & Cling Film Roll Making )

മഹാമാരിക്കാലത്തിന്റെ അവസാന പാദത്തിൽ സംരംഭകത്വത്തിലൂടെ തൊഴിൽ വർദ്ധനവിനും സ്വാശ്രയത്തിനും ഊന്നൽ നൽകിയുള്ള പദ്ധതികൾ മികവോടെ നടപ്പാക്കി കേരളം സംരംഭകസൗഹൃദമായി മാറിക്കൊണ്ടിരിക്കുകയാണ്. കൂടുതലായി ചെറുകിട സംരംഭങ്ങൾ ആരംഭിക്കേണ്ടതിന്റെ പ്രാധാന്യം പൊതുസമൂഹവും മനസ്സിലാക്കിയിരിക്കുന്നു. പുതിയ തൊഴിൽ അവസരങ്ങൾ സൃഷ്‌ടിക്കുക എന്നത് നിലനിൽപിന്റെ അനിവാര്യതയാണ്. തൊഴിൽ തേടിയുള്ള കുടിയേറ്റങ്ങൾക്ക് അറുതിയായിരിക്കുന്നു. സംരംഭങ്ങൾക്കൊപ്പം വൈഞ്ജാനിക കേരളം പോലുള്ള പദ്ധതികൾക്കും ഗവൺമെൻറ് തുടക്കം കുറിക്കുകയാണ്. ഇന്നവേഷൻ കൗൺസിലിന്റെ നേത്യത്വത്തിൽ വൺ ഡിസ്‌ട്രിക്റ്റ് വൺ ഐഡിയ പദ്ധതി വഴി, ചെറുകിട വ്യവസായ ക്ലസ്റ്ററുകളുടെ വളർച്ചയ്ക്കും വികസനത്തിനും വഴിയൊരുക്കു.

ആണി നിർമാണം. ( Nail Manufacturing )

ആണി നിർമാണം. ( Nail Manufacturing )

കേരളത്തിൽ ചെറുകിട വ്യവസായ രംഗത്ത് ധാരാളം അവസരങ്ങൾ നിലനിൽക്കുന്നുണ്ട്. ചെറുകിട ഉല്പന്നങ്ങളുടെ നിർമാണത്തിലും സേവന മേഖലയിലും അന്യസംസ്ഥാനങ്ങളെ ആശ്രയിച്ചാണ് നിലവിൽ നാം മുന്നോട്ടു പോകുന്നത് .സംരംഭക സൗഹൃദ സംസ്ഥാനം കെട്ടിപ്പടുക്കുന്നതിന്റെ ഭാഗമായി ലൈസൻസിങ് നടപടിക്രമങ്ങൾ ലഘൂകരിച്ചും ഏകജാലക സംവിധാനം ഏർപ്പെടുത്തിയും സാമൂഹിക അന്തരീക്ഷം വ്യവസായങ്ങൾക്ക് അനുകൂലമാകത്തക്ക വിധം നിരവധി പ്രവർത്തനങ്ങൾ ഗവണ്മെന്റ് തന്നെ മുൻകൈ എടുത്തു നടപ്പാക്കി വരുന്നുണ്ട് . സമയബന്ധിതമായ വായ്പകൾ ലഭ്യമാക്കുന്നതിന് ബാങ്കുകളും താല്പര്യപ്പെടുന്നുണ്ട് .

ഹണി ഗ്രേപ്പ് ( Honey Grape )

ഹണി ഗ്രേപ്പ് ( Honey Grape )

കേരളത്തിന്റെ ഗാർഹിക സംരംഭ രംഗത്ത് ചെറുകിട വ്യവസായങ്ങൾക്ക് വലിയ സ്ഥാനമാണുള്ളത്. കുറഞ്ഞ മുതൽ മുടക്കിൽ കുടുംബാംഗങ്ങൾ ചേർന്ന് നിർമ്മാണവും വിപണനവും പൂർത്തീകരിക്കുന്ന പ്രാദേശിക സംരംഭക മേഖലയാണ് ഗാർഹിക സംരംഭങ്ങൾ. ഇത്തരം സംരംഭങ്ങളിൽ നിർമ്മിക്കുന്ന ഉല്പന്നങ്ങൾക്ക് ഗുണമേന്മയുടെ കാര്യത്തിൽ വലിയ വിശ്വാസ്യതയാണ്. നാടൻ പാനീയമായ ഹണിഗ്രേപ്പ് ഈ രംഗത്തെ ഒരു വിജയ മാതൃകയാണ്. മുന്തിരി പാനീയമായ ഹണിഗ്രേപ്പ് ഈ രംഗത്തെ ഒരു വിജയ മാതൃകയാണ്. മുന്തിരി പാനീയത്തോട് ജനങ്ങൾക്കുള്ള ഇഷ്‌ടം തന്നെയാണ് പ്രധാന കാരണം.

പഴച്ചാർ നിർമ്മാണം ( Fruit Pulp )

പഴച്ചാർ നിർമ്മാണം ( Fruit Pulp )

കേരളത്തിന്റെ ഉപഭോക്‌തൃ സംസ്‌കാരം വലിയ മാറ്റത്തിന്റെ പാതയിലാണ്. ഗുണമേന്മക്ക് പ്രാധാന്യം നൽകാതെ വിലകുറഞ്ഞതെന്തും വാങ്ങിക്കൂട്ടുന്ന ശീലത്തിന് അറുതി വന്നുകഴിഞ്ഞു. പായ്‌ക്ക് ചെയ്‌ത ഭക്ഷണ പദാർത്ഥങ്ങളിലും, ശീതള പാനീയങ്ങളിലും, പഴം പച്ചക്കറികളിലും പാലിൽ പോലുമുള്ള മാരകമായ രാസ പദാർത്ഥങ്ങളെ സംബന്ധിച്ച് വലിയ അവബോധം മലയാളിയിലുണ്ടായിരുക്കുന്നു. ഉല്‌പന്നങ്ങളിലെ ചേരുവകളും, ഉപയോഗിച്ചിരിക്കുന്ന പ്രിസർവേറ്റിവുകളും, കാലാവധിയും, ന്യൂട്രിഷൻ ഫാക്ട് പോലും കൃത്യമായി മനസ്സിലാക്കാൻ ശ്രമിക്കുന്ന പുതിയ വാങ്ങൽ സംസ്‌കാരം രൂപപ്പെട്ടിരിക്കുന്നു.

നോൺ വ്യൂവൻ ഉല്‌പന്നങ്ങൾ ( Non Woven Bags )

നോൺ വ്യൂവൻ ഉല്‌പന്നങ്ങൾ ( Non Woven Bags )

കേരളത്തിൽ പ്ലാസ്റ്റിക് മാലിന്യങ്ങൾ ഗുരുതരമായി പരിസ്ഥിതി പ്രശ്‌നങ്ങൾ സൃഷ്ടിച്ചുകൊണ്ടിരിക്കുകയാണ്. മാലിന്യ സംസ്‌കരണ മേഖലയിൽ ഭരണകൂടങ്ങൾ നേരിടുന്ന ഏറ്റവും വലിയ വെല്ലുവിളിയും പ്ലാസ്റ്റിക് മാലിന്യങ്ങളുടെ നിർമ്മാർജനമാണ്. നിത്യ ഉപയോഗ സാധനങ്ങൾ പായ്‌ക്ക് ചെയ്‌യുന്നതിലൂടെയും, ഗാർഹിക ,ഗാർഹികേതര ഉല്‌പന്നങ്ങളുടെ പായ്‌ക്കിംഗിലൂടെയും വീടുകളിലും, ഓഫീസുകളിലും, വ്യവസായ ശാലകളിൽ നിന്നും, വ്യാപാര സ്ഥാപനങ്ങളിൽ നിന്നും പുറം തള്ളുന്ന പ്ലാസ്റ്റിക്കിന്റെ തോത് കണക്കുകൾക്കപ്പുറത്താണ്. ഇവയിൽ 60% ൽ അധികവും റീസൈക്കിൾ ചെയാൻ സാധിക്കാത്തവയാണ്.

സ്റ്റീം പുട്ടുപൊടി (Steammade Puttupodi)

സ്റ്റീം പുട്ടുപൊടി (Steammade Puttupodi)

പുട്ട് മലയാളികളുടെ ഗൃഹാതുരത്വമാണ്. അടുത്ത കാലത്തായി വിപണിയിലെത്തിയ മാർദ്ദവമുള്ള പുട്ടുപൊടികൾ വളരെ പെട്ടന്നാണ് വിപണി കിഴടക്കിയത് .മാർദ്ദവവും രുചിയും കൂടുതലുള്ളതിനാൽ ഉപഭോകതാക്കളെ പെട്ടന്ന് ആകർഷിക്കാൻ ഈ ഉല്‌പനത്തിനായി. നിലവിൽ പുട്ടുപൊടി ഉല്പാദിപ്പിച്ച് കൊണ്ടിരിക്കുന്ന സംരംഭകർ പോലും സ്റ്റീം പുട്ടുപൊടിയിലേക്ക് മാറാൻ നിർബന്ധിതരായിരിക്കുന്നു . മുൻപ് വലിയ മുതൽ മുടക്കായിരിക്കുന്നു ഇതിന് തടസ്സം , എന്നാൽ ഇപ്പോൾ ചെറിയ മുതൽ മുടക്കിലും സ്റ്റീം പുട്ടുപൊടി ആരഭിക്കുന്നതിനുള്ള യന്ത്രങ്ങളും പരീശീലനങ്ങളും ലഭ്യമാണ് ,ചെറുകിട ഉല്‌പാദക വിതരണ യൂണിറ്റുകൾക്ക് ഈ പദ്ധതി കൂടുതൽ ഗുണപ്രദമാണ്.

ക്ലീനിംഗ് പ്രോഡക്ട്സ്(Cleaning Products)

ക്ലീനിംഗ് പ്രോഡക്ട്സ്(Cleaning Products)

കേരളത്തിന്റെ വ്യാവസായിക അന്തരീക്ഷത്തിൽ ചെറിയ മുതൽ മുടക്കുള്ള സംരംഭങ്ങൾ കൂടുതൽ സുരക്ഷിതമാണ്. നമ്മുടെ നാട്ടിലെ ജനസാന്ദ്രതയും സാമൂഹിക അവബോധവും സ്ഥല ദൗർലഭ്യവും വൻകിട വ്യവസായങ്ങൾ ആരംഭിക്കുന്നത്തിനുള്ള സാധ്യതകൾക്ക് മങ്ങലേല്പിക്കുന്നുണ്ട്. പ്രകൃതി വിഭവങ്ങളുടെ ചൂഷണവും അന്തരീക്ഷ മലിനീകരണവും നടത്തിയുള്ള വ്യവസായ സ്ഥാപനങ്ങൾ ഇനി നമ്മുടെ നാട്ടിൽ ആരംഭിക്കാൻ സാധിക്കില്ല. അതുകൊണ്ട് തന്നെ ചെറുകിട വ്യവസായ മേഖലയുടെ സാധ്യതകൾ വർദ്ധിക്കുകയാണ്.

Top