Keralaagropark

Agropark

A guide to small entrepreneurs

കേരളത്തിൽ കാർഷിക-ഭക്ഷ്യ സംസ്‌കരണരംഗത്തും ചെറുകിട വ്യവസായരംഗത്തും സംരംഭകത്വ വികസനവും തൊഴിൽ വർദ്ധനവും ലക്ഷ്യമിട്ട് 2014 മുതൽ പ്രവർത്തിച്ച് വരുന്ന ഇൻക്യൂബേഷൻ സെന്റെറാണ് അഗ്രോപാർക്ക്. 2018 മുതൽ കേരളം അഗ്രോപാർക്ക് ഇൻഡസ്‌ട്രിയൽ ഫൌണ്ടേഷൻ എന്ന പേരിൽ സെക്ഷൻ -8 നോൺ പ്രോഫിറ്റബിൾ ഓർഗനൈസേഷനായാണ് നിലവിൽ പ്രവർത്തിച്ചു വരുന്നത്.
കേരളത്തിൽ ചെറുകിടാ സംരംഭങ്ങളിലൂടെയും കുടുംബസംരംഭങ്ങളിലൂടെയും സുസ്‌ഥിര സബദ് വ്യവസ്‌ഥയും തൊഴിൽ അവസരങ്ങളും ഒരുക്കി നൽകുന്നതിനുള്ള ക്രിയാത്മകമായ പ്രവർത്തനങ്ങളാണ് അഗ്രോപാർക്ക് നടപ്പിലാക്കി വരുന്നത്.

ടെക്നോളജി കോമേഴ്‌സ - ലൈസേഷൻ

ട്രയൽ പ്രൊഡക്ഷൻ ഫെസിലിറ്റി

യന്ത്രങ്ങൾ

എം.എസ്.എം.ഇ ക്ലിനിക്

വ്യവസായ പരിശീലനങ്ങൾ

ചെറുകിട വ്യവസായങ്ങൾ

എന്‍. ആര്‍. ഐ ഇന്‍കുബേഷന്‍ സെല്‍

സംരംഭകത്വ സഹായ പദ്ധതികൾ

അഗ്രോപാർക്കിൽ എൻ.ആർ.ഐ. ഇൻകുബേഷൻ സെൽ പ്രവർത്തനമാരംഭിച്ചു .

വിദേശമലയാളികളെ സംബന്ധിച്ച് നാട്ടിലെത്തി വ്യവസായം ആരംഭിക്കുന്നതിനാവശ്യമായ അടിസ്ഥാന സൗകര്യങ്ങൾ ഒരുക്കുന്നതിനും ലൈസൻസുകൾ നേടിയെടുക്കുന്നതിനും സാങ്കേതികവിദ്യ ആർജിക്കുന്നതിനും വളരെ ബുദ്ധിമുട്ടുകൾ നേരിടുന്നതിനാൽ പലരും വ്യവസ്‌തിഥിയെ പഴിപറഞ്ഞ് മടങ്ങിപോകുകയാണ് പതിവ്.വിദേശമലയാളികൾക്ക് വ്യവസായങ്ങൾ ആരംഭിക്കുന്നതിന് ആവശ്യമായ സഹായങ്ങൾ നൽകുന്നതിനോടൊപ്പം സാങ്കേതികവിദ്യ മുതൽ വിപണി വരെ ഒരു കുടക്കീഴിൽ ഒരുക്കി നൽകുന്നതിനാൽ എൻ.ആർ.ഐ.ഇൻകുബേഷൻ സെല്ലും പ്രവർത്തനമാരംഭിച്ചു .

അഗ്രോപാർക്കിൽ വ്യവസായ പരിശീലനങ്ങൾ ആരംഭിച്ചു

തീരം കൈനകരിക്ക് ഒരു കൈത്താങ്ങ്

" കേരളത്തിന്റെ വ്യവസായ രംഗം മുന്നേറ്റത്തിന്റെ പാതയിലാണ്. വീടുകളിൽ വ്യവസായം ആരംഭിക്കാൻ അനുമതി നല്‌കിയതും ലൈസൻസിംഗ് നടപടിക്രമങ്ങൾക്ക് ഏകജാലക സംവിധാനം ഒരുക്കിയതും വിപ്ലവകരമായ മാറ്റമാണ്. തദ്ദേശഭരണസ്ഥാപനങ്ങളെ അടക്കം പങ്കാളികളാക്കിക്കൊണ്ട് നടപ്പാക്കിയ സംരംഭക വർഷാചരണം സമൂഹത്തിന്റെ താഴെ തട്ടിൽ പോലും ഒരു സംരംഭക സൗഹൃദ അന്തരീക്ഷം രൂപപ്പെടുന്നതിന് ഇടയാക്കി. ഉപഭോക്‌തൃ സംസ്ഥാനമായ കേരളത്തിന്റെ ട്രേഡ് ഡെഫിസിറ്റ് ഒരു ലക്ഷം കോടിക്ക് മുകളിലാണ് എന്നത് കേരളത്തിൽ നിരവധി ഉല്പന്നങ്ങളുടെ നിർമ്മാണത്തിന് ഇനിയും സാധ്യതയുണ്ട് എന്നതിലേക്കാണ് വിരൽ ചൂണ്ടുന്നത്. നമുക്ക് ഒരുമിച്ച് പ്രവർത്തിക്കാം ... തൊഴിൽ അന്വേഷകരിൽ നിന്ന് തൊഴിൽ ദാതാക്കളിലേക്കുള്ള നല്ല മാറ്റത്തിനായി..."

Baiju Nedumkeriyil

Chairman - Agropark

PROJECTS

Trending Projects

സംരംഭകർക്കായി അഗ്രോപാർക് സമർപ്പിക്കുന്ന 100 ലേറെ പ്രൊജെക്ടുകളെ കുറിച്ച് അറിയാം...

കായം നിർമ്മാണം

കേരളത്തിന്റെ ചെറുകിട വ്യവസായ രംഗം പുതുവർഷത്തിൽ വലീയ പ്രതീക്ഷയിലാണ്. ആക്‌സെൻഡ്‌ കേരള 2020 നിക്ഷേപക സംഗമം വഴി വ്യക്തവും ദൃഢവുമായ സന്ദേശം സമൂഹത്തിന് നൽകുകയാണ് ഗവൺമെൻറ് .തൊഴിലവസര സബ്‌സിഡിയും 10 കോടി രൂപ വരെ മുതൽ മുടക്കുള്ള വ്യവസായങ്ങൾക്കായി എം എസ് എം ഇ ഫെസിലിറ്റേഷൻ ആക്റ്റ് 2020 യാഥാർത്ഥമായി .ഉപഭോതാക്കളിലേക്കു ജില്ലാ ബോർഡിനു മുന്നിൽ ഒരു ഡിക്ലറേഷൻ ഫയൽ ചെയ്‌ത്‌ അടുത്ത ദിവസം വ്യവസായം ആരംഭിക്കാൻ ഈ നിയമം സംരംഭകർക്ക്‌ അവസരമൊരുക്കുന്നു. പ്രളയാനന്തര പുനർ സൃഷ്ടിയിലൂടെ നിർമ്മിക്കപ്പെടുന്ന നവ കേരളത്തിന്റെ വ്യാവസായിക അന്തരീക്ഷവും സംരംഭക സൗഹൃദമാകും എന്നുതന്നെ കരുതാം. പുതിയ വ്യവസായ നയം കേരളത്തിന്റെ ചെറുകിട വ്യവസായ രംഗത്തിന് ഉണർവ് പകരുന്ന ഒന്നാണ് . പ്രത്യേകിച്ചും നാനോ സംരംഭങ്ങൾ വീടുകളിൽ തന്നെ ആരംഭിക്കാൻ അനുവദിക്കുന്ന നിയമം കേരളത്തിന്റെ വ്യാവസായിക ചരിത്രത്തിൽ തങ്കലിപികളിൽ എഴുതേണ്ട ഒന്നാണ്.

ഇൻസുലേഷൻ ടേപ്പ് നിർമ്മാണം

കേരളത്തെ കൂടുതൽ സംരംഭക സൗഹൃതമാക്കുന്നതിനുള്ള തീവ്രയത്‌ന പരിപാടികൾക്കാണ് സർക്കാർ രൂപം നൽകിയിട്ടുള്ളത്. ലൈസൻസിംഗ് രംഗത്തെ കാലതാമസം ഒഴിവാക്കി അനുമതികൾ വേഗത്തിൽ ലഭ്യമാക്കുന്നതിന് വേണ്ടി കൈകൊണ്ട നടപടികൾ ഫലപ്രാപ്തിയിലേക്ക് എത്തിക്കൊണ്ടിരിക്കുന്നു. ഇത്തരത്തിലുള്ള നടപടികൾ ഏറ്റവും കൂടുതൽ ഗുണം ചെയ്‌യുക ചെറുകിട വ്യവസായ മേഖലയിലാണ്. ഉപജീവനത്തിനായുള്ള വ്യവസായങ്ങൾ ആരംഭിക്കുന്നതിന് താല്പര്യമുള്ള നിരവധി ആളുകൾ നമ്മുടെ സംസ്ഥാനത്തുണ്ട്. വീടുകളിൽ ആരംഭിക്കാവുന്ന ചെറുകിട ഇടത്തരം കുടുംബ സംരംഭങ്ങൾ നമ്മുടെ സന്പത്ത് വ്യവസ്ഥയിൽ വലിയ മാറ്റങ്ങൾ സൃഷിടിക്കുക തന്നെ ചെയ്‌യും. കൂടുതൽ തൊഴിൽ ദിനങ്ങൾ സൃഷ്ടിക്കപ്പെടും.മാന്ദ്യ കാലത്തെ അതിജീവിക്കുന്നതിൽ ഇത്തരം സംരംഭങ്ങൾക്ക് വലിയ പങ്കു വഹിക്കാനാകും.

തെർമൽ പേപ്പർ റോൾ നിർമാണം

കേരളത്തിന്റെ സാമൂഹിക അന്തരീക്ഷത്തിനും പരിസ്ഥിതിക്കും ഇണങ്ങുന്ന വ്യവസായങ്ങൾക്ക് നമ്മുടെ നാട്ടിൽ ഏറെ പ്രസക്തിയുണ്ട് . ഉപഭോക്‌തൃ സംസ്ഥാനമായി നിലനിൽക്കുന്ന കേരളത്തിന്റെ മാർക്കറ്റ് സാദ്ധ്യതകൾ പ്രയോജനപ്പെടുത്തി കേരളത്തിൽ തന്നെ നിർമ്മിച്ച് വില്‌പന നടത്താൻ കഴിയുന്ന നിരവധി ഉല്പന്നങ്ങളുണ്ട്. ലൈസൻസിംഗ് നടപടിക്രമങ്ങൾ സുഗമം ആയതോടെ ഇപ്പോൾ കേരളത്തിലെ വീടുകളിൽ തന്നെ വ്യവസായം ആരംഭിക്കാം എന്ന സ്ഥിതി വന്നിരിക്കുന്നു . പുറത്തുപോയി ജോലി ചെയ്യാൻ സാഹചര്യങ്ങൾ അനുവദിക്കാത്ത വീട്ടമ്മമാർക്കും , ഒഴിവു സമയം പ്രയോജനപ്പെടുത്തി ചെറുകിട സംരംഭത്തിലൂടെ അധിക വരുമാനം നേടാൻ ആഗ്രഹിക്കുന്നവർക്കും വീടുകളിൽ വ്യവസായം ആരംഭിക്കാൻ ഇപ്പോൾ കേരളത്തിൽ അവസരമുണ്ട്. കേരളീയരുടെ ദൈനം ദിന ജീവിതവുമായി ബന്ധപ്പെട്ട് കിടക്കുന്ന നിരവധി ആയിട്ടുള്ള ഉൽപ്പന്നങ്ങൾ അന്യസംസ്ഥാനങ്ങളെ ആശ്രയിക്കാതെ കേരളത്തിൽ തന്നെ നിർമ്മിക്കാനാകും.

ഇഡ്ഡലി-ദോശ മാവ് നിർമ്മാണം

ഇഡ്ഡലിയും ദോശയും നെയ്‌റോസ്‌റ്റും പാചകം ചെയ്‌തെടുക്കുന്നതിന് മുൻപ് അരിയും ഉഴുന്നും വാങ്ങി അരച്ച് മാവ് ഉണ്ടാക്കുന്നതുവരെയുള്ള ജോലിക്കായി ധാരാളം സമയം ആവശ്യമായി വരും. വീട്ടമ്മമാരും ജോലിക്കാരായതോടെ ഭക്ഷണം പാചകം ചെയ്യുന്നതിന് മുൻപ് അനുബന്ധ ജോലികൾക്കായി ഇത്രയും സമയം നീക്കിവയ്‌ക്കാൻ വീട്ടമ്മമാർക്ക് ആവില്ല. ഇഡ്‌ഡലിയും ദോശയും പാചകം ചെയ്‌യുന്നതിനുള്ള മാവ് റെഡിമെയ് ഡായി നൽകുന്ന ധാരാളം സംരംഭങ്ങൾ ഇന്ന് നമ്മുടെ നാട്ടിലുണ്ട്. ഈ സംരംഭങ്ങളെയെല്ലാം നമ്മുടെ വീട്ടമ്മമാർ ഗ്രാമ-നഗര ഭേദമില്ലാതെ വിജയിപ്പിച്ചിട്ടുണ്ട്. ഒരു കുടുംബ സംരംഭം എന്ന നിലയിൽ ഇനിയും ധാരാളം യൂണിറ്റുകൾ ഈ രംഗത്ത് അവസരമുണ്ട്.

ടൈൽ സ്‌പേസർ നിർമ്മാണം

കേരളത്തിൽ നിർമ്മാണ സംരംഭങ്ങൾ ആരംഭിക്കുന്നതിന് അനുകൂലമായ സാഹചര്യം ഇപ്പോൾ നിലവിലുണ്ട്. വിപണിക്ക് ആവശ്യമുള്ള ഉൽപന്നങ്ങൾ കണ്ടെത്തി നിർമ്മിക്കാനായാൽ വേഗത്തിൽ വിപണി പിടിക്കാം. നിർമ്മാണ സംരംഭങ്ങളെ എല്ലാ തരത്തിലും പ്രോത്സാഹിപ്പിക്കുന്ന നിലപാടാണ് ഗവൺമെന്റ് സ്വീകരിച്ചു വരുന്നത്‌. സംരംഭകരെ അംഗീകരിക്കുന്ന സാമൂഹിക അന്തരീക്ഷവും രൂപപ്പെട്ടിട്ടുണ്ട്. കേരളത്തിന് ആവശ്യമുള്ള അനേകം ഉൽപ്പന്നങ്ങൾ അന്യസംസ്ഥാനങ്ങളിൽ നിർമ്മിച്ച് കേരളത്തിലേക്ക് എത്തുകയാണ്. അവ കേരളത്തിൽ നിർമ്മിക്കാൻ കഴിഞ്ഞാൽ തൊഴിൽ അവസരങ്ങൾ വർദ്ധിക്കുകയും സന്പത്ത്‌ വ്യവസ്ഥ ചലനാത്മകമാവുകയും ചെയ്‌യും.

A4 പേപ്പർ നിർമ്മാണം ( A4 Paper Sheet Manufacturing )

ഓഫീസുകളിലുംഫോട്ടോ കോപ്പി സെന്ററുകളിലും എല്ലാം പ്രിൻറ് എടുക്കുന്നതിന് 80 GSM വരുന്ന A4 പേപ്പറുകളാണ് ഉപയോഗിക്കുന്നത്.ഉപയോഗം പരിഗണിച്ചാൽ കേരളത്തിൽ വലിയ വിപണിയാണ് A4 പേപ്പറിന്റേത്.ടി വിപണിയുടെ ഭൂരിഭാഗവും അന്യസംസ്ഥാന നിർമ്മാതാക്കളാണ് കൈയാളുന്നത്. വലിയ സാങ്കേതിക വിദ്യകൾ ആവശ്യമില്ലാത്ത ഈ വ്യവസായത്തിന് കേരളത്തിൽ വലിയ സാധ്യതയുണ്ട്.

അഗ്രി - ഫുഡ് കോമൺ സർവീസ് സെന്ററുകൾ

സംരംഭക രംഗത്തെ മികവാർന്ന പ്രവർത്തനങ്ങൾക്കാണ് കേരളം സാക്ഷ്യം വഹിക്കുന്നത്. കെ സ്വിഫ്റ്റ് ഏകജാലക സംവിധാനം വഴി ലൈസൻസിംഗ് നടപടിക്രമങ്ങൾ സുഗമമാക്കിയത് നവസംരംഭകർക്ക് കൂടുതൽ ആത്മവിശ്വാസം പകർന്നു. താലൂക്ക്- ജില്ലാ തലങ്ങളിൽ ഫെസിലിറ്റേഷൻ സെന്ററുകൾ പ്രവർത്തിക്കുന്നത് സംരംഭകർക്ക് കൂടുതൽ ഉപകാരപ്രദമായി. ഗ്രാമങ്ങളിൽ പോലും ഒരു സംരംഭക സൗഹൃദ അന്തരീക്ഷം രൂപീകൃതമായതിന്റെ പശ്‌ചാത്തലത്തിൽ നിരവധി ആളുകൾ ചെറിയ സംരംഭങ്ങൾ ആരംഭിക്കാൻ മുന്നോട്ട് വരുന്നു. ചെറിയ മുതൽ മുടക്കിൽ പ്രാദേശിക വിപണിയെ ലക്ഷ്യം വയ്‌ക്കുന്ന സംരംഭങ്ങളാണ് അധികവും. വനിതകളും ധാരാളമായി സംരംഭകത്വത്തിലേക്ക് കടന്നുവരുന്നു

സർജിക്കൽ മാസ്‌ക് നിർമ്മാണം (Surgical Mask Manufacturing )

മഹാമാരി നമ്മളിലേക്ക് കൊണ്ടു വന്ന ശീലങ്ങളിൽ ഒന്നാണ് മാസ്‌കിന്റെ ഉപയോഗം. സൂക്ഷ്മ വ്യാപികളായ വൈറസുകളെ പ്രതിരോധിക്കുന്നതിനൊപ്പം തന്നെ വായു മലിനീകരണത്തിൽ നിന്ന് രക്ഷനേടുന്നതിനും മാസ്‌കുകൾ ഉപകരിക്കുന്നു. നിലവിൽ മാസ്‌കുകൾക്കായി അന്യസംസ്ഥാനങ്ങളെയാണ് ആശ്രയിക്കുന്നത്. ഉപഭോഗം വർദ്ധിച്ചതിനൊപ്പം നാട്ടിൽ തന്നെ ഉല്‌പാദനവും വർദ്ധിപ്പിക്കാൻ സാധിച്ചാൽ ഈ ഇനത്തിൽ അന്യസംസ്ഥാനങ്ങളിലേക്കുള്ള പണമൊഴുക്ക് തടയാൻ സാധിക്കും. ചെറിയ മുതൽ മുടക്കിൽ ഓട്ടോമാറ്റിക് യന്ത്രം ഉപയോഗിച്ച് സർജിക്കൽ മാസ്‌ക് നിർമ്മാണം ആരംഭിക്കാം.

നാളികേര വെള്ളത്തിൽ നിന്ന് എനർജി സ്‌പോർട്ട്സ് ഡ്രിങ്ക് നിർമ്മാണം (Energy Drink From Coconut Water ) )

നാളികേര അധിഷ്ഠിത സംരംഭങ്ങളിൽ പാഴായിപ്പോകുന്ന നാളികേരവെള്ളത്തെ സംസ്‌കരിച്ചാണ് കോക്കോ പ്ലസ്സ്പോർട്ട്സ് ഡ്രിങ്ക് നിർമ്മിക്കുന്നത്. നാളികേര വ്യവസായത്തിൽ പരിസര മലിനീകരമില്ലാത്ത നാളികേരവെള്ളം ഒഴിവാക്കുക എന്നത് വലിയ വെല്ലുവിളിയാണ്. ആരോഗ്യദായകമായ നാളികേര വെള്ളം വളരെ വേഗം കേടുവരും എന്നുള്ളതാണ് മറ്റൊരു വെല്ലുവിളി. നാളികേര വെള്ളം സംസ്‌കരിച്ച് അനുബന്ധ ചേരുവകൾ ചേർത്ത് ഉന്മേഷം പകരുന്ന സ്പോർട്ട്സ് ഡ്രിങ്കാക്കി മാറ്റി വിപണിയിലെത്തിക്കുന്നതാണ് ബിസിനസ്സ്. ഈ പാനീയം 2 മാസം വരെ അന്തരീക്ഷ താപനിലയിൽ സൂക്ഷിക്കാൻ സാധിക്കും. സാധാരാണ എനർജി ഡ്രിങ്കുകളും സ്‌പോർട്ട്സ് ഡ്രിങ്കുകളും രാസവസ്‌തുക്കൾ ഉപയോഗിച്ചാണ് നിർമ്മിക്കുന്നത്.

കുടിവെള്ളം ( Drinking Water )

നമ്മുടെ നാട്ടിൽ കുടിവെള്ളത്തിന്റെ ഗുണമേൻമ സംബന്ധിച്ച് വലിയ അവബോധം സൃഷ്ടിക്കപ്പെട്ടിട്ടുണ്ട്. മുൻപ് കിണറുകളിൽ സുലഭമായി വെള്ളം ലഭിച്ചിരുന്നെങ്കിൽ ഇപ്പോൾ ഗ്രാമങ്ങളിൽപ്പോലും കുഴൽകിണറുകളും വാട്ടർ അതോറിറ്റി നല്‌കുന്ന പൈപ്പ് വെള്ളവുമാണ് ആശ്രയം. സൂക്ഷ്മ മൂലകങ്ങളും, സൂക്ഷ്മ ജീവികളും അടങ്ങിയ കുടിവെള്ളം ആരോഗ്യപ്രശ്നങ്ങളുണ്ടാക്കും എന്ന് ജനങ്ങൾക്കറിയാം. പൊതു ജലവിതരണ സംവിധാനത്തിൽ ലഭിക്കുന്ന വെള്ളത്തിൽ ക്ലോറിന്റെ അളവും മറ്റു ചില ഘട്ടങ്ങളിൽ കലങ്ങിയ നിറവുമെല്ലാം കുടിക്കുന്നതിനും, പാചകം ചെയ്‌യുന്നതിനും ഫിൽറ്റർ ചെയ്‌ത കുടിവെള്ളം ഉപയോഗിക്കാൻ ജനങ്ങളെ നിർബന്ധിതരാക്കുന്നു.

അലൂമിനിയം ഫോയിൽ & ക്ളിംഗ് ഫിലിം ( Aluminium Foil & Cling Film Roll Making )

മഹാമാരിക്കാലത്തിന്റെ അവസാന പാദത്തിൽ സംരംഭകത്വത്തിലൂടെ തൊഴിൽ വർദ്ധനവിനും സ്വാശ്രയത്തിനും ഊന്നൽ നൽകിയുള്ള പദ്ധതികൾ മികവോടെ നടപ്പാക്കി കേരളം സംരംഭകസൗഹൃദമായി മാറിക്കൊണ്ടിരിക്കുകയാണ്. കൂടുതലായി ചെറുകിട സംരംഭങ്ങൾ ആരംഭിക്കേണ്ടതിന്റെ പ്രാധാന്യം പൊതുസമൂഹവും മനസ്സിലാക്കിയിരിക്കുന്നു. പുതിയ തൊഴിൽ അവസരങ്ങൾ സൃഷ്‌ടിക്കുക എന്നത് നിലനിൽപിന്റെ അനിവാര്യതയാണ്. തൊഴിൽ തേടിയുള്ള കുടിയേറ്റങ്ങൾക്ക് അറുതിയായിരിക്കുന്നു. സംരംഭങ്ങൾക്കൊപ്പം വൈഞ്ജാനിക കേരളം പോലുള്ള പദ്ധതികൾക്കും ഗവൺമെൻറ് തുടക്കം കുറിക്കുകയാണ്. ഇന്നവേഷൻ കൗൺസിലിന്റെ നേത്യത്വത്തിൽ വൺ ഡിസ്‌ട്രിക്റ്റ് വൺ ഐഡിയ പദ്ധതി വഴി, ചെറുകിട വ്യവസായ ക്ലസ്റ്ററുകളുടെ വളർച്ചയ്ക്കും വികസനത്തിനും വഴിയൊരുക്കു.

ആണി നിർമാണം. ( Nail Manufacturing )

കേരളത്തിൽ ചെറുകിട വ്യവസായ രംഗത്ത് ധാരാളം അവസരങ്ങൾ നിലനിൽക്കുന്നുണ്ട്. ചെറുകിട ഉല്പന്നങ്ങളുടെ നിർമാണത്തിലും സേവന മേഖലയിലും അന്യസംസ്ഥാനങ്ങളെ ആശ്രയിച്ചാണ് നിലവിൽ നാം മുന്നോട്ടു പോകുന്നത് .സംരംഭക സൗഹൃദ സംസ്ഥാനം കെട്ടിപ്പടുക്കുന്നതിന്റെ ഭാഗമായി ലൈസൻസിങ് നടപടിക്രമങ്ങൾ ലഘൂകരിച്ചും ഏകജാലക സംവിധാനം ഏർപ്പെടുത്തിയും സാമൂഹിക അന്തരീക്ഷം വ്യവസായങ്ങൾക്ക് അനുകൂലമാകത്തക്ക വിധം നിരവധി പ്രവർത്തനങ്ങൾ ഗവണ്മെന്റ് തന്നെ മുൻകൈ എടുത്തു നടപ്പാക്കി വരുന്നുണ്ട് . സമയബന്ധിതമായ വായ്പകൾ ലഭ്യമാക്കുന്നതിന് ബാങ്കുകളും താല്പര്യപ്പെടുന്നുണ്ട് .

Social Initiative

തീരം - കൈനകരിക്ക് ഒരു കൈത്താങ്ങ്

കുട്ടനാട്ടിലെ കൈനകരിയിൽ അഗ്രോപാർക്കിന്റെ നേതൃത്വത്തിൽ സുസ്ഥിര വികസന പദ്ധതി പൂർത്തീകരിച്ചു.വാഹന സൗകര്യം ഇനിയും ലഭ്യമല്ലാത്ത വെള്ളപൊക്കത്തിന്റെ കെടുതികൾ പേറുന്ന കൈനകരിയിലെ ജനത നേരിടുന്ന പ്രശ്നങ്ങൾ പൊതു സമൂഹം കാണാതെ പോകരുത് എന്നതുകൊണ്ടാണ് ഇത്തരത്തിൽ ഒരു പദ്ധതി നടപ്പിലാക്കിയത്.

Latest Projects

ലോൺട്രി

കേരളത്തിന്റെ അതിവേഗ വളർച്ചക്കൊപ്പം ജനങ്ങളുടെ ജീവിതക്രമത്തിൽ വന്ന മാറ്റത്തിന് അനുസൃതമായി ആരംഭിക്കാവുന്ന നിരവധി വ്യവസായങ്ങളിൽ ഒന്നാണ് ലോൺട്രി.കൂട്ടുകുടുംബങ്ങൾ അണുകുടുംബങ്ങളാവുകയും അണുകുടുംബങ്ങൾ ഫ്ളാറ്റുകളിലേക്ക് ചേക്കേറുകയും കുടുംബത്തിലെ ഭാര്യയും ഭർത്താവും ജോലിക്കാരാവുകയും ഈ ജോലിത്തിരക്ക് 24*7 ജോലി സമയത്തെ ഓവർ ടൈമുകളിലേക്ക് നീളുകയും വീട്ടു ജോലിക്ക് തൊഴിലാളികളെ ലഭിക്കാതിരിക്കുകയും ചെയ്യുന്ന സാഹചര്യത്തിലാണ് മറ്റ് പല വ്യവസായങ്ങളെയും പോലെ ലോൺട്രിക്കും പ്രസക്തി ഏറുന്നത്.

ഡിഷ് വാഷ് ബാർ നിർമ്മാണം

കേരളം 2020 ൽ കൂടുതൽ വ്യവസായ സൗഹൃദ സംസ്ഥാനമായി മാറിക്കഴിഞ്ഞു. കേരള എം.എസ്. എം. ഇ. ഫെസിലിറ്റേഷൻ ആക്റ്റ് വഴി ഇനി മുതൽ 10 കോടി രൂപ വരെ മുതൽ മുടക്കുള്ള റെഡ് കാറ്റഗറി ഒഴികെയുള്ള വ്യവസായങ്ങൾ ജില്ലാ തല സമിതിക്ക് ഒരു ഡിക്ലറേഷൻ ഫയൽ ചെയ്തുകൊണ്ട് ആരംഭിക്കാം.ബുദ്ധിമുട്ടേറിയതും സമയദൈർഘ്യം എടുക്കുന്നതുമായ ലൈസെൻസുകൾ നേടുന്നത് 3 വർഷങ്ങൾക്കപ്പുറം മതിയാകും .ലൈസൻസിംഗ് രാജ് നിലനിന്ന ഒരു സംസ്ഥാനത്താണ് ഗവൺമെന്റ് വ്യവസായക വിപ്ലവത്തിന് വഴിയൊരുക്കിയ ഇത്തരത്തിലൊരു നിയമം പാസാക്കിയത് .കൂടാതെ തൊഴിലാളികളുടെ എണ്ണത്തിനനുസരിച്ച് തൊഴിലുടമയ്‌ക്ക്‌ ഇൻസെന്റീവ് അനുവദിക്കുന്ന പ്രഖ്യാപനവും മുഖ്യമന്ത്രിയിൽ നിന്നുണ്ടായി. മറ്റ് ഏതു ഇന്ത്യൻ സ്റ്റേറ്റുകളെക്കാളും ഇന്ന്‌ കൂടുതൽ വ്യവസായ സൗഹൃദ സംസ്ഥാനമായി കേരളം മാറിക്കഴിഞ്ഞു.സ്വകാര്യ വ്യവസായ പാർക്കുകൾക്കു അനുമതി നൽകുക വഴി വ്യവസായങ്ങൾക്കുള്ള സ്ഥല ലഭ്യതയും ഗവൺമെന്റ് ഉറപ്പു വരുത്തുന്നു

കോട്ടൺ വേസ്റ്റ് നിർമ്മാണം

കേരളത്തിൽ ധാരാളമായി വിറ്റഴിയുന്ന പല ഉൽപന്നങ്ങളുടെയും നിർമ്മാണ കുത്തക ഇപ്പോഴും അന്യ സംസ്ഥാനങ്ങളിലെ ചെറുകിട വ്യവസായികളുടെ കൈയിലാണ്. ചെറിയ മുതൽമുടക്കിൽ കുടുംബസംരംഭമായി നടന്നുവരുന്ന ഇത്തരം വ്യവസായസംരംഭങ്ങൾ നമ്മുടെ നാട്ടിൽ ആരംഭിക്കാൻ കഴിഞ്ഞാൽ നമ്മുടെ നാടിന്റെ മുഖച്ഛായ തന്നെ മാറ്റാൻ സാധിക്കും .ചെറിയ ഒന്നോ രണ്ടോ യന്ത്രങ്ങൾ ഉപയോഗിച്ചാണ് ഇത്തരം വ്യവസായങ്ങളെല്ലാം നിർമാണങ്ങൾ നടത്തുന്നത് .

ഇളനീർ ചിപ്പ്‌സ്

മാർക്കറ്റിൽ മത്സരമില്ല എന്നുള്ളതും അസംസ്കൃതവസ്തുക്കളുടെ ലഭ്യതയും ഈ വ്യവസായത്തിന്റെ അനുകൂലഘടകങ്ങളാണ് . 500 സ്‌ക്വയർ ഫീറ്റ് ഏരിയ യുള്ള കെട്ടിട സൗകര്യം ധാരാളമാണ്. അതിവിദഗ്ദ്ധ തൊഴിലാളികളെ ആവശ്യമില്ല. സ്ത്രീ തൊഴിലാളികളെ ഉപയോഗിച്ച് യൂണിറ്റ് നടത്തികൊണ്ടുപോകുന്നതിനാവും.8 മാസം വരെ കേടാവാതെ സൂക്ഷിക്കാം തുടങ്ങിയവയെല്ലാം അനുകൂല ഘടകങ്ങളാണ്. ജനങ്ങളിലെ ഭക്ഷണത്തെക്കുറിച്ചുള്ള അവബോധം വർദ്ധിക്കുന്നതിനൊപ്പം ഈ ഉല്പന്നത്തിന്റെ സാധ്യത വര്ധിക്കുകയേയുള്ളു.

എയർ ഫ്രഷ്‌നറുകളുടെ നിർമ്മാണം

കേരളത്തിൽ എയർ ഫ്രഷ്‌നർ നിർമ്മാണ കന്പനികൾ കുറവാണ്. പലതും അന്യ സംസ്ഥാനങ്ങളിൽ നിന്നും വാങ്ങി റീ ബ്രാൻഡ് ചെയ്‌ത്‌ വിൽക്കുകയാണ് ചെയ്‌യുന്നത്‌. അന്യ സംസ്‌ഥാന നിർമ്മാതാക്കൾക്കാണ് ഈ രംഗത്തെ കുത്തക. എന്നാൽ കേരളത്തിൽ ധാരാളമായി വിറ്റഴിയുന്ന ഉല്പന്നമാണ് എയർ ഫ്രഷ്‌നറുകൾ.പ്രാദേശിക നിർമ്മാതാവ് എന്ന നിലയിൽ ബ്രാൻഡ് ചെയ്‌യാൻ കഴിഞ്ഞാൽ വളരെ വേഗം വിപണിയുടെ സ്വീകാര്യത നേടാൻ സാധിക്കും.

View All Projects